Hátíðir í Önundarfirði
Í Önundarfirði eru fjölda árlegra hátíða sem hafa fylgt heimamönnum mis lengi. Elsta hátíðin fer að fagna aldar afmæli á meðan aðrar eru að slíta barnsskónum, en allar eiga þær það sameiginlegt að ætla að skemmta og gleðja og það eru ávallt allir velkonir.
Fyrir utan árlega viðburði hefur tónleikahald á Flateyri alla tíð verið mjög öflugt og best að að fylgjast með því á samfélagsmiðlum, til að fá nýjustu fréttir af þeim málum. t.d á facebooksíðu Vagnsins og hér fyrir neðan undir liðnum “Á döfinni”.
Stútungur
Stútungur er eitt elsta og skemmtilegasta þorrablót landsins sem hefur verið haldið í tæp hundrað ár. Mikil áhersla er lögð á vönduð og fyndin skemmtiatrið þar sem bæjarbúar og aðrir sem hafa komið við sögu á árinu fá það óþvegið. Boðið er upp á þorramat í bland við annan nútímamat.
Sjómannadagurinn
Sjómannadagurinn á Flateyri er haldin hátíðlegur með öllu því helsta sem góður sjómannadagur hefur upp á að bjóða, skemmtisiglingar, bryggjufjör, messa, köku- og pylsuát að ógleymdum sjómannadansleik.
Faceboosíða Björgunarsveitarinnar
Götuveislan á Flateyri
Götuveistlan á Flateyri er bæjarhátíð Flateyringa þar sem þeir koma saman, grilla, gleðsjast, syngja og skemmta sér eins og þeim einum er lagið.
Facebooksíða Götuveislunnar
Sandkastalakeppnin í Holti
Sandkastalakeppnin á Holtsfjöru er elsta og fjölmennasta árlega sandkastalakeppni Íslands, enda aðstaðan í fjörunni í Holti frábær á allan hátt. Þarna koma fjölskylsur, vinir og vinnuhópar saman til að eiga góðan dag í sjó og á landi.
Sandsball
Sandsball er einstök skemmtun á Ingjaldssandi þar sem dansað er fram á sólarupprás fyrir utan og innan eins minnsta samkomuhúss Íslands.
Facebooksíða Átthafafélagsnins Vorblóms
Íslandsmótið í Kubb
Íslandsmótið í Kubb fer fram á Flateyri á Verslunarmannahelginni og hefur þátttakendum fjölgað ár frá ári, enda til mikils að vinna, fyrir utan sjálfan íslandsmeistaratitilinn.
Gamanmyndahátíð Flateyrar
Gamanmyndahátíð Flateyrar er fyndnasta kvikmyndahátíð Íslands. Samhliða því að bjóða upp á úrval nýrra og eldri gamanmynda er boðið upp á matarveislur, leiksýningar, uppistand, tónleika og margt fleira.
Heimasíða Gamanmyndahátíðar Flateyrar
Sæunnarsund
Kýrin Sæunn komast á sundi frá slátrara sínum þegar hún slapp frá honum á Flateyri og synti alla leið yfir fjörðinn í Valþjófsdal. Á hverju ári reynda vaskir sundkappar að feta í klaufspor Sæunnar og synda yfir Önundarfjörð.
Facebooksíða Sæunarsundsins
Á döfinni árið 2020
Auður og Auður á Flateyri
Í sýningunni Auður og Auður talar Auður Jónsdóttir rithöfundur til ömmu sinnar, Auðar Laxness, þar sem hennar helsta umræðuefni er maðurinn sem hún giftist á Flateyri í óþökk ömmu sinnar. Sýningin er byggð á bók Auðar, Ósjálfrátt, sem lýsir lífi hennar á Flateyri eftir að hún flutti þangað, stuttu eftir snjóflóðið 1995. Sýningin er í senn fyndin og hjartnæm og ættu Flateyringar og aðrir að kannast við flestar sögupersónurnar í sýningunni.
Sýningin er sú fyrsta í röð upplestra rithöfunda, í tilefni af 100 ára bóksöluleyfi Gömlu Bókabúðarinnar á Flateyri. En Bókaverzlun Jóns Eyjólfssonar var stofnuð þann 25. maí 1920. Sýningin verður haldin á sjómannadagshelginni í nýju Guðnabúð, (gamla Fiskborg), sem er nýtt húsnæði Björgunarsveitarinnar á Flateyri og mun öll innkoma renna óskipt til húsakaupa Björgunarsveitarinnar Sæbjargar á Flateyri.
Jóga-retreat í Holti
Helgina 19.-21. júní ætla Íris og Andrea sem standa fyrir Jógabílnum 
að halda retreat á Holt Inn í Önundarfirði. Hugmyndin er að halda verðinu í lágmarki til að sem flestir geti tekið þátt. Við ætlum að iðka jóga saman, fagna sumarsólstöðum og borða hollan og næringarríkan mat.
Allar uppl´ýsingar hér á síðunni eru birtar með fyrirvara um breyttar dagsetningar og annað sem kann að breytast.
Vefumsjón: jovinsson@gmail.com – s: 8400600
